| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.494 | Joseph. BJ 2.500 (English) | >>Joseph. BJ 2.505 |
2.497ἀλλὰ διὰ πάσης ἡλικίας ἐχώρουν κτείνοντες , ὡς ἐπικλυσθῆναι μὲν αἵματι πάντα τὸν χῶρον , πέντε δὲ μυριάδες ἐσωρεύθησαν νεκρῶν , περιελείφθη δʼ ἂν οὐδὲ τὸ λοιπόν , εἰ μὴ πρὸς ἱκετηρίας ἐτράποντο . κατοικτείρας δʼ αὐτοὺς Ἀλέξανδρος ἀναχωρεῖν τοὺς Ῥωμαίους ἐκέλευσεν .
2.498οἱ μὲν οὖν ἐξ ἔθους τὸ πειθήνιον ἔχοντες ἅμα νεύματι τοῦ φονεύειν ἐπαύσαντο , τὸ δημοτικὸν δὲ τῶν Ἀλεξανδρέων διʼ ὑπερβολὴν μίσους δυσανάκλητον ἦν καὶ μόλις ἀπεσπᾶτο τῶν σωμάτων .
2.499
ἀναλαβὼν δὲ ἀπὸ τῆς Ἀντιοχείας τὸ μὲν δωδέκατον τάγμα πλῆρες , ἀπὸ δὲ τῶν λοιπῶν ἀνὰ δισχιλίους ἐπιλέκτους , πεζῶν τε ἓξ σπείρας καὶ τέσσαρας ἴλας ἱππέων , πρὸς αἷς τὰς παρὰ τῶν βασιλέων συμμαχίας , Ἀντιόχου μὲν δισχιλίους ἱππεῖς καὶ πεζοὺς τρισχιλίους τοξότας πάντας , Ἀγρίππα δὲ πεζοὺς μὲν τοὺς ἴσους ἱππεῖς δὲ δισχιλίων ἐλάττους ,
2.501εἵπετο δὲ καὶ Σόαιμος μετὰ τετρακισχιλίων , ὧν ἦσαν ἱππεῖς ἡ τρίτη μοῖρα καὶ τὸ πλέον
-- πλεῖστοι δὲ κἀκ τῶν πόλεων ἐπίκουροι συνελέγησαν , ἐμπειρίᾳ μὲν ἡττώμενοι τῶν στρατιωτῶν , ταῖς δὲ προθυμίαις καὶ τῷ κατὰ Ἰουδαίων μίσει τὸ λεῖπον ἐν ταῖς ἐπιστήμαις ἀντιπληροῦντες . παρῆν δὲ καὶ αὐτὸς Ἀγρίππας Κεστίῳ τῆς τε ὁδοῦ καὶ τῶν συμφερόντων ἐξηγούμενος .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.494 | Joseph. BJ 2.500 (English) | >>Joseph. BJ 2.505 |
